பெண்களை விபசாரத்தில் ஈடுபடுத்தியவர் கைது

தூத்துக்குடி:

தூத்துக்குடி 1-வது ரெயில்வே கேட் அருகே உள்ள ஒரு வீட்டில், பெண்களை வைத்து பாலியல் தொழில் செய்வதாக போலீசாருக்கு தகவல் வந்தது. அதன்பேரில் தூத்துக்குடி அனைத்து மகளிர் போலீஸ் இன்ஸ்பெக்டர் வனிதா தலைமையிலான போலீசார் விசாரணை நடத்தினர். விசாரணையில் தூத்துக்குடி வண்ணார் 1-வது தெருவைச் சேர்ந்த சிலுவை பிச்சை மகன் மரிய லூர்து ஸ்டாரின் (வயது 22) என்பவர் சென்னை, பெங்களூரு பகுதிகளைச் சேர்ந்த பெண்களுக்கு பணம் தருவதாக ஆசை வார்த்தை கூறி விபசாரத்தில் ஈடுபடுத்தியது தெரியவந்தது. உடனடியாக போலீசார் மரிய லூர்து ஸ்டாரினை கைது செய்தனர். மேலும் பாதிக்கப்பட்ட 2 பெண்களையும் மீட்டு தூத்துக்குடியில் உள்ள ஒருங்கிணைந்த சேவை மைய காப்பகத்தில் ஒப்படைத்தனர். இதுகுறித்து தூத்துக்குடி அனைத்து மகளிர் போலீசார் வழக்குப்பதிவு செய்து விசாரணை நடத்தி வருகின்றனர்.