மோட்டார் சைக்கிள் மோதி முதியவர் பலி

திருச்சி அரியமங்கலம் காமராஜ்நகரை சேர்ந்தவர் சித்துபாஸ் (68). இவர் நேற்று முன்தினம் அதிகாலை திருச்சி-தஞ்சை சாலையில் அரியமங்கலம் அருகே நடந்து சென்றார். அப்போது அந்த வழியாக வந்த மோட்டார் சைக்கிள் அவர் மீது மோதியது. இதில் படுகாயம் அடைந்த அவரை மீட்டு திருச்சி அரசு மருத்துவமனையில் சிகிச்சைக்காக சேர்த்தனர்.அங்கு அவர் சிகிச்சை பலனின்றி இறந்தார். இது குறித்து தெற்கு போக்குவரத்து புலனாய்வுபிரிவு போலீசார் வழக்குப்பதிவு செய்து விசாரணை நடத்தி வருகிறார்கள்.