கூரை வீட்டில் தீ 27 முயல்கள் செத்தன

திட்டக்குடி, 

திட்டக்குடி அருகே உள்ள நெடுங்குளம் கிராமத்தை சேர்ந்தவர் முனியன். இவரது மனைவி செல்வி. இவர்கள் இருவரும் கூரை வீட்டில் வசித்து வருகின்றனர். இந்த வீட்டிலேயே முயல்களையும் வளர்த்து விற்பனை செய்து வந்தனர். இவர்களது கூரை வீடு திடீரென தீப்பற்றி எரிந்தது. இது பற்றி தகவல் அறிந்ததும் திட்டக்குடி தீயணைப்பு வீரர்கள் விரைந்து சென்று, தண்ணீரை பீய்ச்சி அடித்து தீயை அணைத்தனர். இருப்பினும் வீட்டில் கூண்டில் அடைத்து வைத்திருந்த 27 முயல்கள் தீயில் கருகி செத்தன. மேலும் வீட்டில் இருந்த அனைத்து பொருட்களும் எரிந்து சேதமானது. தீ விபத்துக்கான காரணம் குறித்து திட்டக்குடி போலீசார் விசாரணை நடத்தி வருகி்ன்றனர்.