மாற்றுத்திறனாளிகளுக்கு விளையாட்டு போட்டி

விருதுநகர், 

விருதுநகர் மாவட்ட விளையாட்டு அரங்கில் 2021-2022-ம் ஆண்டிற்கான மாற்றுத்திறனாளிகள் விளையாட்டு போட்டி நடைபெற்றது. தடகளப்போட்டிகளும், குழுப்போட்டிகளும் நடைபெற்றன. மாவட்ட போலீஸ் சூப்பிரண்டு மனோகர் தலைமையில் கலெக்டர் மேகநாதரெட்டி போட்டிகளை தொடங்கி வைத்தார். போட்டிகளில் வெற்றி பெற்றவர்களுக்கு கலெக்டர் பரிசுகளும், சான்றிதழ்களும் வழங்கினார். மாவட்ட அளவிலான போட்டிகளில் முதலிடம் பெற்றவர்கள் மாநில அளவிலான போட்டிகளில் கலந்து கொள்ள தேர்ந்தெடுக்கப்படுவர். இந்நிகழ்ச்சியில் மாவட்ட வருவாய் அலுவலர் மங்கள ராமசுப்பிரமணியன், மாவட்ட விளையாட்டு அலுவலர் ராஜா, இளைஞர்நலன் அலுவலர் ஞான சந்திரன், தீயணைப்பு துறை கோட்ட அலுவலர் கணேசன் உள்பட பலர் கலந்து கொண்டனர்.