அரசு பஸ் மோதி மூதாட்டி சாவு

குளித்தலை அருகே உள்ள கோட்டமேடு எம்.ஜி.ஆர். நகரை சேர்ந்தவர் சலீமாபீபி (வயது 70). இவர் சம்பவத்தன்று குளித்தலை- மணப்பாறை சாலையில் கோட்டமேடு பகுதியில் உள்ள ஆஞ்சநேயர் கோவில் அருகே சாலையோரம் நின்று கொண்டிருந்தார். அப்போது அந்த வழியாக வந்த அரசு பஸ் மூதாட்டியின் மீது மோதியது. இதில் படுகாயமடைந்த அவரை அந்த வழியாக சென்றவர்கள் மீட்டு குளித்தலை அரசு மருத்துவமனைக்கு அனுப்பி வைத்தனர். பின்னர் மேல் சிகிச்சைக்காக திருச்சி அரசு மருத்துவமனைக்கு கொண்டு செல்லப்பட்டார். அங்கு அவருக்கு டாக்டர்கள் தீவிர சிகிச்சை அளித்தனர். இந்தநிலையில் சிகிச்சை பலனின்றி மூதாட்டி சலீமாபீபி பரிதாபமாக இறந்தார். இந்த விபத்து குறித்து குளித்தலை போலீசார் வழக்குப்பதிவு செய்து விசாரணை நடத்தி வருகின்றனர்.