ரெயிலில் கடத்திய 10 கிலோ கஞ்சா பறிமுதல்

ஜோலார்பேட்டை

ஜோலார்பேட்டை அருகே ரெயிலில் கடத்திய 10 கிலோ கஞ்சா பறிமுதல் செய்யப்பட்டது.

சேலம் உட்கோட்ட ெரயில்வே சிறப்புப் படை போலீசார் காட்பாடி ரெயில் நிலையம் முதல் சேலம் வரை செல்லும்  ரெயில்களில் கஞ்சா உள்ளிட்ட போதை பொருட்கள் கடத்தப்படுவது குறித்து தீவிர சோதனையில் ஈடுபட்டு வருகின்றனர். நேற்று முன்தினம் இரவு காட்பாடி முதல் சேலம் வரை செல்லும் ஹவுரா எக்ஸ்பிரஸ் ரெயிலில் சிறப்பு தனிப்படை போலீசார் தீவிர சோதனையில் ஈடுபட்டனர். 

ஆம்பூர் ெரயில் நிலையத்திற்கும், ஜோலார்பேட்டை ெரயில் நிலையத்திற்கும் இடையே வந்துகொண்டிருந்தபோது முன்பதிவு செய்யப்பட்ட பெட்டியில் பயணிகளின் உடமைகளை வைக்கும் பகுதியில் கேட்பாரற்று கிடந்த பேக்கை சோதனை செய்தனர்.

 அதில் 10 கிலோ கஞ்சா இருப்பது தெரியவந்தது. கஞ்சா கடத்திய நபர் குறித்து சிறப்பு தனிப்படை பிரிவினர் விசாரணை மேற்கொண்டதில் கஞ்சாவை கடத்தி வந்த நபர் குறித்து எந்த தகவலும் கிடைக்கவில்லை. இதனையடுத்து பறிமுதல் செய்யப்பட்ட 10 கிலோ கஞ்சாவை ஜோலார்பேட்டை ரெயில்வே போலீஸ் நிலையத்தில் ஒப்படைத்தனர். 

மேலும் ஜோலார்பேட்டை ரெயில்வே போலீஸ் சப்-இன்ஸ்பெக்டர் ஜெயக்குமார் மற்றும் போலீசார் இதுகுறித்து வழக்குப் பதிவு செய்து ரெயிலில் கஞ்சா கடத்திய நபர்கள் குறித்து தீவிர விசாரணை மேற்கொண்டு வருகின்றனர்.