<
தூத்துக்குடியில் எல்.ஐ.சி. முகவர் வீட்டில் நகை திருட்டு
தூத்துக்குடியில் எல்.ஐ.சி. முகவர் வீட்டில் 5 பவுன் நகைகளை மர்ம நபர்கள் திருடிச் சென்றனர். அவர்களை போலீசார் வலைவீசி தேடி வருகின்றனர்.
தூத்துக்குடி:
தூத்துக்குடியில் எல்.ஐ.சி. முகவர் வீட்டில் 5 பவுன் நகைகளை மர்ம நபர்கள் திருடிச் சென்றனர். அவர்களை போலீசார் வலைவீசி தேடி வருகின்றனர்.
இதுகுறித்து போலீஸ் தரப்பில் கூறப்பட்டதாவது:-
எல்.ஐ.சி. முகவர்
தூத்துக்குடி கே.வி.கே.சாமி நகரை சேர்ந்தவர் சாமுவேல் ஜெபராஜ் (வயது 48). எல்.ஐ.சி. முகவராக பணியாற்றி வருகிறார்.
இவர் கடந்த 25-ந் தேதி வீட்டை பூட்டிவிட்டு குடும்பத்துடன் நாகர்கோவிலில் உள்ள ஒரு உறவினர் வீட்டு திருமண நிகழ்ச்சியில் கலந்து கொள்வதற்காக சென்று விட்டார். நேற்று முன்தினம் இரவு வீட்டுக்கு திரும்பி வந்த போது, வீட்டின் முன்பக்க கதவு உடைக்கப்பட்டு கிடந்தது.
திருட்டு
இதனால் அதிர்ச்சி அடைந்த சாமுவேல் ஜெபராஜ் வீட்டுக்குள் சென்று பார்த்து உள்ளார். அங்கு பீரோவில் இருந்த தங்க சங்கிலி, கம்மல் உள்ளிட்ட 5 பவுன் தங்க நகைகள் மற்றும் ஒரு செல்போன் ஆகியவற்றை மர்ம நபர்கள் திருடிச் சென்று இருப்பது தெரியவந்தது.
இதுகுறித்த புகாரின் பேரில் தூத்துக்குடி சிப்காட் போலீஸ் சப்-இன்ஸ்பெக்டர் ஹென்சன் பவுல்ராஜ் வழக்கு பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
