நாமக்கல்லில் மோட்டார் சைக்கிள் மீது லாரி மோதி புரோக்கர் சாவு மற்றொருவர் படுகாயம்

நாமக்கல்:

நாமக்கல் ராமாபுரம் புதூர் எழில்நகரை சேர்ந்தவர் பிரகாஷ் (வயது 34). வட்டார போக்குவரத்து அலுவலக பணிகளை செய்து கொடுக்கும் புரோக்கராக இருந்து வந்தார். இவரும் நாமக்கல் ஏ.எஸ்.பேட்டையை சேர்ந்த பிரபு (38) என்பவரும் நேற்று முன்தினம் இரவு ஒரு மோட்டார் சைக்கிளில் போதுப்பட்டி சாலையில் லட்சுமி நகர் பகுதியில் சென்று கொண்டிருந்தனர். அப்போது பின்னால் வந்த லாரி இவர்களது மோட்டார் சைக்கிள் மீது மோதியது. இந்த விபத்தில் இருவரும் படுகாயம் அடைந்தனர். அவர்களை மீட்டு அக்கம்பக்கத்தில் உள்ளவர்கள் நாமக்கல் அரசு மருத்துவ கல்லூரி மருத்துவமனைக்கு சிகிச்சைக்காக அனுப்பி வைத்தனர். ஆனால் செல்லும் வழியிலேயே பிரகாஷ் பரிதாபமாக இறந்தார். படுகாயம் அடைந்த பிரபு சேலம் அரசு ஆஸ்பத்திரியில் சேர்க்கப்பட்டு சிகிச்சை பெற்று வருகிறார். இந்த விபத்து குறித்து மணிவண்ணன் என்பவர் நாமக்கல் போலீசில் புகார் செய்தார். அதன்பேரில் போலீசார் வழக்குப்பதிவு செய்து லாரி டிரைவரை தேடி வருகின்றனர்.