இண்டூர் அருகே பாம்பு கடித்து விவசாயி சாவு

பாப்பாரப்பட்டி:

இண்டூர் அருகே உள்ள குப்புசெட்டிப்பட்டி கிராமத்தை சேர்ந்தவர் கோவிந்தசாமி (வயது 55). விவசாயி. சம்பவத்தன்று தனது வயலில் தண்ணீர் பாய்ச்சிய போது பாம்பு கடித்தது. இதனால் அதிர்ச்சி அடைந்த குடும்பத்தினர் அவரை மீட்டு தர்மபுரி அரசு ஆஸ்பத்திரியில் சேர்த்தனர். அங்கு டாக்டர்கள் பரிசோதித்த போது அவர் ஏற்கனவே இறந்து விட்டது தெரியவந்தது. இது குறித்து இண்டூர் போலீசார் வழக்குப்பதிவு செய்து விசாரணை நடத்தி வருகின்றனர்.