மே தினத்தை முன்னிட்டு நாளை மறுநாள் மதுக்கடைகள் மூடப்படும்-கலெக்டர் அறிவிப்பு

கிருஷ்ணகிரி:

கிருஷ்ணகிரி மாவட்ட கலெக்டர் ஜெயசந்திரபானுரெட்டி வெளியிட்டுள்ள செய்திக்குறிப்பில் கூறியிருப்பதாவது:-

மே தினத்தை முன்னிட்டு கிருஷ்ணகிரி மாவட்டத்தில் உள்ள அரசு மதுபான சில்லரை விற்பனை கடைகள், மதுக்கூடங்கள், மதுக்கூடங்களுக்கு உரிமம் பெற்றுள்ள அரசு மற்றும் தனியார் ஓட்டல்கள், அனைத்தும் நாளை மறுநாள் (ஞாயிற்றுக்கிழமை) மூடப்படும். இந்த உத்தரவை மீறி விற்பனையாளர்கள், மதுக்கடைகளை திறந்தாலும் விற்றாலும் அவர்கள் மீது நடவடிக்கை எடுக்கப்படும். இவ்வாறு அதில் கூறப்பட்டுள்ளது.