முதுநிலை பட்டதாரி ஆசிரியர்கள் ஆர்ப்பாட்டம்

அரியலூர் மாவட்ட முதன்மைக்கல்வி அலுவலகம் முன்பு அரியலூர் தமிழ்நாடு பட்டதாரி-முதுநிலை பட்டதாரி ஆசிரியர் கழகத்தினர் சார்பில் கவன ஈர்ப்பு ஆர்ப்பாட்டம் நடைபெற்றது. ஆர்ப்பாட்டத்தில் கலந்து கொண்டவர்கள் 4 அம்ச கோரிக்கைகளை வலியுறுத்தி பல்வேறு கோஷங்களை எழுப்பினர். ஆர்ப்பாட்டத்திற்கு மாவட்ட தலைவர் பாலசுப்பிரமணியன் தலைமை தாங்கினார். மாவட்ட பொருளாளர் கலைச்செல்வன் முன்னிலை வகித்தார். மாவட்ட செயலாளர் ஜேசுராஜ் ஆர்ப்பாட்ட உரையாற்றினார். ஆர்ப்பாட்டத்தில் பொதுக்குழு உறுப்பினர் பழனிசாமி, மாவட்ட மகளிரணி செயலாளர் பத்மாவதி உள்பட பலர் கலந்து கொண்டனர்.