<
ரூ1 கோடியே 39 லட்சத்திற்கு காய்கறிகள் விற்பனை
ரூ1 கோடியே 39 லட்சத்திற்கு காய்கறிகள் விற்பனை
உடுமலை:
உடுமலை உழவர்சந்தையில் கடந்த மாதம் (ஏப்ரல்) ரூ.1 கோடியே 39 லட்சத்திற்கு காய்கறிகள் விற்பனையானது.
உடுமலை உழவர்சந்தை
தமிழ் நாடு அரசு வேளாண் விற்பனைத்துறையின் சார்பில் உடுமலை கபூர்கான் வீதியில் செயல்பட்டுவரும் உழவர் சந்தைக்கு உடுமலை மற்றும் மடத்துக்குளம் தாலூகாக்களில் உள்ள விவசாயிகள் தங்களது விளைநிலங்களில் விளையும் காய்கறிகளை அதிகாலையிலேயே கொண்டு வந்து விற்பனை செய்து வருகின்றனர்.
அதன்படி உடுமலை உழவர் சந்தையில் கடந்த மாதம் (ஏப்ரல்) 1,720 விவசாயிகள் மொத்தம் 5 லட்சத்து 70 ஆயிரத்து 710 கிலோ காய்கறிகளை விற்பனைக்கு கொண்டு வந்திருந்தனர்.
இந்த காய்கறிகள் மொத்தம் ரூ.1 கோடியே 39 லட்சத்து 18 ஆயிரத்து 480-க்கு விற்பனை ஆனது. இந்த காய்கறிகளை பொதுமக்கள் 63 ஆயிரத்து 919 பேர் வாங்கி பயனடைந்தனர்.
வரத்து குறைந்தது
கடந்த மார்ச் மாதத்துடன், ஏப்ரல் மாதத்தை ஒப்பிடும்போது உடுமலை உழவர் சந்தைக்கு காய்கறிகளை விற்பனைக்கு கொண்டு வந்திருந்த விவசாயிகள் எண்ணிக்கை 180 பேர் குறைவாக இருந்த நிலையில், காய்கறிகள் வரத்தும் 1 லட்சத்து 32 ஆயிரத்து 690 கிலோ குறைவாக இருந்தது.
அதனால் காய்கறிகளின் மொத்த விற்பனை தொகையும் ரூ.4 லட்சத்து 46 ஆயிரத்து 280 குறைவாக இருந்தது. காய்கறிகளை வாங்குவதற்கு வந்த பொதுமக்களின் எண்ணிக்கை மார்ச் மாதத்தை விட மார்ச் ஏப்ரல் 4 ஆயிரத்து 235 பேர் குறைவாக இருந்தது.
காய்கறிகள் விலை
உடுமலை உழவர் சந்தையில் நேற்று ஒரு கிலோ கத்தரிக்காய் ரூ.42-க்கும், வெண்டைக்காய் ரூ.36-க்கும், தக்காளி(நாட்டு ரகம்) ரூ.48-க்கும், தக்காளி (ஆப்பிள் ரகம்) ரூ.55-க்கும், அவரைக்காய் ரூ.55-க்கும், புடலங்காய் ரூ.24 வரைக்கும், பீர்க்கங்காய் ரூ.40-க்கும், சுரைக்காய் ரூ.12-க்கும், பாகற்காய் ரூ.50-க்கும், கொத்தவரை ரூ.42 -க்கும், பூசணிக்காய் ரூ.12-க்கும், அரசாணிக்காய் ரூ.12-க்கும், பச்சை மிளகாய் ரூ.40-க்கும், சின்னவெங்காயம் ரூ.20-க்கும், பொறியல் தட்டை ரூ.20-க்கும், முருங்கைக்காய் ரூ.300-க்கும், சேனைக்கிழங்கு ரூ.35-க்கும், கருணைக்கிழங்கு ரூ.35-க்கும், உருளைக்கிழங்கு ரூ.34-க்கும், கேரட் ரூ.50 -க்கும், பீட்ரூட் ரூ.20-க்கும், முட்டைக்கோஸ் ரூ.20-க்கும், காளிபிளவர் ரூ.15-க்கும், முள்ளங்கி ரூ.25-க்கும், இஞ்சி ரூ.44-க்கும் விற்கப்பட்டது.
புஷ்பீன்ஸ் ரூ.80-க்கும், குடமிளகாய் ரூ.98-க்கும், மேரக்காய் ரூ.32-க்கும், வாழைக்காய் ரூ.30-க்கும், கொய்யாப்பழம ்ரூ.65-க்கும், பப்பாளி ரூ.20 -க்கும், வெள்ளரிக்காய் ரூ.60-க்கும் விற்பனை செய்யப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
