குற்றாலம் அருவிகளில் சுற்றுலா பயணிகள் ஆனந்த குளியல்

தென்காசி:

தமிழகத்தின் பல்வேறு பகுதிகளிலும் கடும் வெயில் அடித்து வருகிறது. தென்காசி மாவட்டத்திலும் வெயிலின் தாக்கம் அதிகமாக காணப்படுகிறது. ஆனால் தென்காசி மற்றும் சுற்று வட்டார பகுதிகளில் கடந்த 2 நாட்களாக காற்று வீசி வருகிறது. இதனால் வெப்பத்தின் தாக்கம் சற்று குறைவாக காணப்படுகிறது.

இந்த நிலையில் பழைய குற்றாலம் அருவியில் தண்ணீர் சற்று அதிகமாக விழுகிறது. எனவே இங்கு சுற்றுலா பயணிகள் அதிகமானோர் வந்து ஆனந்தமாக குளித்து மகிழ்ந்தனர். மெயின் அருவியில் தண்ணீர் ஆண்கள் குளிக்கும் பகுதியில் குறைவாக விழுகிறது. பெண்கள் குளிக்கும் பகுதியில் தண்ணீர் இல்லை. எனவே ஆண்களும், பெண்களும் ஆண்கள் குளிக்கும் பகுதியிலேயே குளித்து சென்றனர். ஜூன் மாதத்தில் சீசன் தொடங்கும் என எதிர்பார்க்கப்படுகிறது.