ஆற்றங்கரையோரம் பெண் பிணம்

சுவாமிமலை அருகே உள்ள நீலத்தநல்லூர் ஊராட்சிக்கு உட்பட்ட மேலஆத்துக்குறிச்சி கொள்ளிடம் ஆற்றங்கரையோரம் 40 வயது மதிக்கத்தக்க பெண் ஒருவர் இறந்து கிடப்பதாக கிராம நிர்வாக அலுவலர் ரவி கண்ணனிடம், அந்த வழியாக சென்றவர்கள் தகவல் அளித்தனர். அதன்பேரில், கிராம நிர்வாக அலுவலர் கொடுத்த புகாரின்பேரில் சுவாமிமலை போலீஸ் இன்ஸ்பெக்டர் மகாலட்சுமி மற்றும் போலீசார் சம்பவ இடத்திற்கு விரைந்து சென்று இறந்து கிடந்த பெண்ணின் உடலை மீட்டு பிரேத பரிசோதனைக்காக கும்பகோணம் அரசு ஆஸ்பத்திரிக்கு அனுப்பி வைத்தனர். மேலும், பிணமாக கிடந்த பெண் யார்?, அவர் தற்கொலை செய்து கொண்டாரா? அல்லது மர்ம நபர்கள் யாராவது கொலை செய்து ஆற்றங்கரையோரம் வீசிச் சென்றார்களா? என விசாரணை நடத்தி வருகின்றனர்.