அட்சய திருதியை தினத்தில் நகை வாங்க குவிந்த பெண்கள்

திண்டுக்கல்:
இதற்கிடையே திண்டுக்கல்லில் நேற்று காலை 6 மணிக்கே ஒருசில நகைக்கடைகள் திறக்கப்பட்டன. இதனால் அட்சய திருதியை தினத்தில் முதல் பொருளாக தங்கம் வாங்குவதற்கு மக்கள் நகைக்கடைக்கு சென்றனர். மேலும் காலை 10 மணிக்கெல்லாம் பெரும்பாலான நகைக்கடைகளில் பெண்கள் கூட்டம் அலைமோதியது. புதிய மாடல் நகைகளை பெண்கள் அணிந்து அழகு பார்த்து பின்னர் வாங்கினர்.
இதில் வசதி படைத்தவர்கள் பவுன் கணக்கில் நகைகளை வாங்கினர். அதேபோல் நடுத்தர குடும்பத்தினர் எப்படியாவது தங்கம் வாங்க வேண்டும் என்ற ஆசையில் குறைந்தபட்சம் மோதிரம், கம்மல் மற்றும் வெள்ளி பொருட்களை வாங்கியது குறிப்பிடத்தக்கது. அதற்கு நகைக்கடைகளில் வாங்கும் நகைக்கு ஏற்ப செய்கூலி, சேதாரம் தள்ளுபடி, பரிசு பொருட்கள் வழங்கப்பட்டன. இதனால் பெரும்பாலான நகைக்கடைகளில் இரவு வரை பெண்களின் கூட்டத்தை பார்க்க முடிந்தது.