<
மரத்தில் கார் மோதி பெண் பலி
ஆம்பூர் அருகே மரத்தில் கார் மோதி பெண் பரிதாபமாக இறந்தார். 5 பேர் படுகாயம் அடைந்தனர்.
ஆம்பூர்
ஆம்பூர் அருகே மரத்தில் கார் மோதி பெண் பரிதாபமாக இறந்தார். 5 பேர் படுகாயம் அடைந்தனர்.
கார் மோதியது
திருப்பத்தூர் மாவட்டம் ஆம்பூரை அடுத்த வீரவர் கோவில் பகுதியில் தேசிய நெடுஞ்சாலையை ஒட்டி திரவுபதி அம்மன் கோவில் உள்ளது.
இந்த கோவில் வளாகத்தில் அரசமரத்தின் அடியில் உள்ள நாகர் உள்ளிட்ட சிலைகளுக்கு அப்பகுதியினர் பூஜை செய்து கொண்டிருந்தனர்.
இந்த நிலையில் எழும்பூர் பகுதியில் ஓட்டல் நடத்தி வரும் சென்னை கீழ்ப்பாக்கம் பகுதியை சேர்ந்த சீனிவாசன் (வயது 63) என்பவர் நேற்று சென்னையில் இருந்து பெங்களூருக்கு செல்ல மனைவி மாலதி (57), மகன் அமிதாபட்டு, அவருடைய மனைவி மற்றும் 2 குழந்தைகள் உள்பட 6 பேர் காரில் புறப்பட்டு வந்தனர்.
காரை சீனிவாசனின் மகன் ஷாம் (35) ஓட்டி வந்துள்ளார். வீரவர் பகுதியில் வந்தபோது வளைவில் கார் திரும்ப முயன்றது.
இதில் டிரைவரின் கட்டுப்பாட்டை இழந்த கார், அருகில் பக்தர்கள் வழிபாடு செய்து கொண்டிருந்த கோவில் வளாகத்தில் புகுந்து மரத்தின் மீது மோதி கவிழ்ந்து விபத்துக்குள்ளானது. இதில் சாமி சிலைகளும் சேதம் அடைந்தன.
பெண் பலி
இதனால் அங்கிருந்த பக்தர்கள் அலறியடித்து ஓடினர். இந்த விபத்தில் சம்பவ இடத்திலேயே மாலதி உயிரிழந்தார். மேலும் படுகாயமடைந்த சீனிவாசன், ஷாம், அவரது மனைவி அமுதா (31). இவர்களது மகன் துருவா (5) மற்றும் 10 மாத குழந்தை ஆகிய 5 பேர் படுகாயமடைந்தனர். உடனடியாக அப்பகுதி மக்கள் அவர்களை மீட்டு ஆம்பூர் அரசு மருத்துவமனைக்கு அனுப்பி வைத்தனர்.
இதுகுறித்து தகவல் அறிந்ததும் ஆம்பூர் தாலுகா போலீசார் சம்பவ இடத்திற்கு விரைந்து வந்து மாலதியின் உடலை மீட்டு ஆம்பூர் அரசு மருத்துவமனைக்கு பிரேத பரிசோதனைக்கு அனுப்பி வைத்தனர்.
மேலும் வழக்குப்பதிவு செய்து விபத்து குறித்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
