அன்னவாசல் அருகே மோட்டார் சைக்கிள் மரத்தில் மோதி கல்லூரி மாணவர் பலி மற்றொருவர் படுகாயம்

அன்னவாசல் அருகே புதூரை சேர்ந்தவர் துரைச்சாமி. இவரது மகன் யுவராஜ் (வயது 20). கல்லூரி மாணவரான இவரும், அதே பகுதியை சேர்ந்த முத்துக்கருப்பன் (21) என்பவரும் அன்னவாசல் அருகே உள்ள கீழக்குறிச்சியில் நடந்த திருவிழாவிற்கு மோட்டார் சைக்கிளில் சென்றுள்ளனர். திருவிழா முடிந்து மீண்டும் சொந்த ஊருக்கு மோட்டார் சைக்கிளில் திரும்பி வந்து கொண்டிருந்தனர். 

கீழக்குறிச்சி சாலையில் வந்தபோது மோட்டார் சைக்கிள் எதிர்பாராதவிதமாக புளிய மரத்தில் மோதியது. இதில் யுவராஜ் பரிதாபமாக சம்பவ இடத்திலேயே பலியானார். முத்துக்கருப்பன் படுகாயமடைந்தார். இதுகுறித்து தகவல் அறிந்த அன்னவாசல் போலீசார் சம்பவ இடத்திற்கு விரைந்து வந்து படுகாயமடைந்த முத்துக்கருப்பனை மீட்டு சிகிச்சைக்காக புதுக்கோட்டை அரசு மருத்துவக்கல்லூரி மருத்துவமனைக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.