ரம்ஜான் சிறப்பு தொழுகை

ஆம்பூர்

ஆம்பூர், வாணியம்பாடியில் ரம்ஜான் பண்டிகையை முன்னிட்டு சிறப்பு தொழுகை நடந்தது. இதில் ஏராளமான முஸ்லிம்கள் கலந்துகொண்டனா்.

இஸ்லாமியர்களின் முக்கிய பண்டிகைகளில் ஒன்றான ரம்ஜான் பண்டிகை நேற்று கொண்டாடப்பட்டது. 

திருப்பத்தூர் மாவட்டம் ஆம்பூரில் ரம்ஜான் பண்டிகையை முன்னிட்டு ஆம்பூர் ஈத்கா மைதானம், மஜ்ஹருல் உலூம் மேல்நிலைப்பள்ளி மைதானம், மஜ்ஹருல் உலூம் கல்லூரி மைதானம் ஆகிய 3 இடங்களில் சிறப்பு சொற்பொழிவும், தொழுகையும் நடைபெற்றது. 

தொழுகை முடிந்த பிறகு முஸ்லிம்கள் ஒருவரை ஒருவர் கட்டித்தழுவி வாழ்த்துகளை தெரிவித்து கொண்டனர். 3 இடங்களில் நடந்த சிறப்பு தொழுகையில் 30 ஆயிரத்திற்கும் மேற்பட்ட முஸ்லிம்கள் கலந்துகொண்டனர்.

சிறப்பு தொழுகையில் ஆம்பூர் ஷபீக் ஷமீல் குழும தலைவர் என்.முஹம்மத் சயீத், மேலாண்மை இயக்குனர் என்.ஷபீக் அஹமத், பரிதா குழும தலைவர் மெக்கா ரபீக் அஹமத், மொஹிப் ஷூ தொழில் குழும தலைவர் கோட்டை முஹம்மத் மொஹிபுல்லா, மேலாளர் முனவர், பரிதா குழும மேலாளர்கள் முஹம்மத் அர்ஷத், ஜூபேர் அஹமத், தோல் தொழிற்சாலை மேலாளர்கள் பிர்தோஸ் கே.அஹமத், யு.தமீம் அஹமத், டாப் ரப்பர் ஷமிம்அஹமத், ஆம்பூர் நகரமன்ற தலைவர் பி.ஏஜாஸ்அஹமத், 

இந்திய யூனியன் முஸ்லிம் லீக் கட்சியின் தேசிய துணை செயலாளர் ஹெச்.அப்துல் பாசித், வர்த்தக சங்க துணைத்தலைவர் ஹபிபூர் ரஹ்மான், டாக்டர் சையத்முக்தார் உள்பட பலர் கலந்து கொண்டனர்.

தொழுகை முடித்துவிட்டு வந்த முஸ்லிம்களுக்கு, அ.செ. வில்வநாதன் எம்.எல்.ஏ., தி.மு.க. மாவட்ட அவைத்தலைவர் ஆர்.எஸ்.ஆனந்தன் மற்றும் தி.மு.க. நிர்வாகிகள் ரம்ஜான் வாழ்த்து தெரிவித்தனர். 

ரம்ஜான் பண்டிகையை முன்னிட்டு ஆம்பூர் போலீஸ் துணை சூப்பிரண்டு சரவணன் தலைமையில் போலீஸ் பாதுகாப்பு போடப்பட்டு இருந்தது.

 வாணியம்பாடியில் உள்ள வளையாம்பட்டு ஈத்கா மைதானம், செட்டியப்பனூர் ஈத்கா மைதானம், நேதாஜி நகர் ஈத்கா மற்றும் பள்ளிவாசல்களில் ரம்ஜான் பண்டிகையை முன்னிட்டு சிறப்பு தொழுகை நடந்தது.

இதில் வாணிடெக் முன்னாள் நிர்வாக இயக்குனர் பட்டேல் முகமது யூசுப், தொழில் அதிபர் எஸ்.டி.நிசார் அகமது, மேலாளர் அப்துல்லா, நகரமன்ற உறுப்பினர் ஜகீர் அகமது உள்பட 50 ஆயிரத்திற்கு மேற்பட்ட முஸ்லிம்கள் தொழுகையில் ஈடுபட்டனர்.

ஜாப்ராபாத்தில் உள்ள ஈத்கா மைதானத்தில் நடந்த தொழுகையில் வார்டு உறுப்பினர் ஜபியுல்லா உள்பட 2 ஆயிரத்துக்கு மேற்பட்டோர் கலந்துகொண்டனர்.

தொழுகையை முடிந்த பிறகு முஸ்லிம்கள் ஒருவரை ஒருவர் கட்டித்தழுவி ரம்ஜான் வாழ்த்துக்களை தெரிவித்துக்கொண்டனர். குழந்தைகளும் வாழ்த்துக்களை பரிமாறிக்கொண்டனர்.