<
சேலம் மாவட்டத்தில் நாளை தொடங்குகிறது: 39 ஆயிரம் மாணவ, மாணவிகள் பிளஸ்-2 தேர்வு எழுதுகிறார்கள்-154 மையங்களில் நடக்கிறது
சேலம் மாவட்டத்தில் 154 மையங்களில் நாளை (வியாழக்கிழமை) தொடங்கும் பிளஸ்-2 பொதுத்தேர்வை 39 ஆயிரத்து 255 மாணவ, மாணவிகள் எழுதுகின்றனர்.
சேலம்:
சேலம் மாவட்டத்தில் 154 மையங்களில் நாளை (வியாழக்கிழமை) தொடங்கும் பிளஸ்-2 பொதுத்தேர்வை 39 ஆயிரத்து 255 மாணவ, மாணவிகள் எழுதுகின்றனர்.
பிளஸ்-2 பொதுத்தேர்வு
தமிழகத்தில் பிளஸ்-2 பொதுத்தேர்வு நாளை (வியாழக்கிழமை) தொடங்கி வருகிற 28-ந் தேதி வரை நடைபெறுகிறது. கொரோனா பரவல் காரணமாக கடந்த 2 ஆண்டுகளாக பிளஸ்-2 பொதுத்தேர்வு நடைபெறவில்லை.
இந்தாண்டு பிளஸ்-2 தேர்வுகள் திட்டமிட்டப்பட்டி நேரடியாக நடைபெறும் என்று அறிவிக்கப்பட்டதால் அதற்கான ஏற்பாடுகளை பள்ளிக்கல்வித்துறை அதிகாரிகள் செய்து வருகிறார்கள்.
அதன்படி நாளை தொடங்கும் பிளஸ்-2 பொதுத்தேர்வை சேலம் மாவட்டத்தில் அரசு மற்றும் தனியார் பள்ளிகளில் படிக்கும் 18 ஆயிரத்து 394 மாணவர்கள், 20 ஆயிரத்து 861 மாணவிகள் என மொத்தம் 39 ஆயிரத்து 255 பேர் எழுதுகின்றனர். மாவட்டம் முழுவதும் 154 மையங்களில் இந்த தேர்வு நடைபெறுகிறது.
பறக்கும் படை
பிளஸ்-2 தேர்வையொட்டி 154 தேர்வு மைய கண்காணிப்பாளர்களும், ஆயிரத்துக்கும் மேற்பட்ட அறை கண்காணிப்பாளர்களும் நியமிக்கப்பட்டுள்ளனர். மேலும் தேர்வில் முறைகேடுகளை தடுக்க 200-க்கும் மேற்பட்ட பறக்கும் படைகள் அமைக்கப்பட்டுள்ளன. இதுதவிர தனித்தேர்வர்களுக்காக 5 மையங்கள் ஏற்படுத்தப்பட்டு உள்ளன.
பிளஸ்-2 பொதுத்தேர்வு நடைபெறும் அனைத்து மையங்களிலும் மாணவ, மாணவிகளுக்கு தேவையான அடிப்படை வசதிகள் செய்யப்பட்டுள்ளன. மேலும் அனைத்து தேர்வு மையங்களுக்கும் போலீஸ் பாதுகாப்பும் போடப்பட உள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
