ஏற்காடு மலைப்பாதையில் 2 ஆயிரம் தண்ணீர் பாட்டில்கள் அகற்றம்

சேலம்:

சேலம் மாவட்ட போலீஸ் சூப்பிரண்டு ஸ்ரீஅபினவ் கடந்த மாதம் 30-ந்தேதி, மாசு இல்லாத ஏற்காடு 2022- என்ற நிகழ்ச்சியை தொடங்கி வைத்தார். அதன்படி ஏற்காடு மலைப்பாதையில் மதுபான பாட்டில்கள், தண்ணீர் பாட்டில்கள் ஆகியவற்றை சாலைகளில் போடக்கூடாது என்பது குறித்து விழிப்புணர்வு ஏற்படுத்தினர். தொடர்ந்து வனத்துறை அலுவலர்கள், போலீசார் மற்றும் தன்னார்வர்கள் கடந்த 3 நாட்களாக ஏற்காடு அடிவாரம் சாலையில் கிடந்த 500 மதுபான பாட்டில்கள், 2 ஆயிரம் தண்ணீர் பாட்டில்களை அகற்றி உள்ளனர். இது குறித்து அதிகாரிகள் கூறும் போது, ஏற்காடு சுற்றுலா தளத்தை சுத்தமாக வைத்திருக்க ஒவ்வொருவரும் முயற்சி எடுக்க வேண்டும். எனவே சாலைகளில் மதுபான பாட்டில்கள், தண்ணீர் பாட்டில்கள், பிளாஸ்டிக்பொருட்களை வீசி செல்லக்கூடாது என்று கூறினர்.