பெண்ணை ஆபாசமாக திட்டிய தொழிலாளி கைது

வெண்ணந்தூர்:

வெண்ணந்தூரை அடுத்த அலவாய்ப்பட்டி குண்டு பெருமாள் கோவில் கரடு பகுதியை சேர்ந்தவர் ராஜா. இவருடைய மனைவி தெய்வானை (வயது 27). இவர்களுக்கும், அதே பகுதியை சேர்ந்த மரம் அறுக்கும் தொழிலாளி சிவகுமார் (36) என்பவருக்கும் முன்விரோதம் இருந்து வந்தது. சம்பவத்தன்று சிவகுமார் மது போதையில், தெய்வானை வீட்டுக்கு சென்று, அவரை ஆபாசமாக திட்டியதாக கூறப்படுகிறது. இதுகுறித்து தெய்வானை வெண்ணந்தூர் போலீசில் புகார் அளித்தார். அதன்பேரில் போலீசார் வழக்குப்பதிவு செய்து சிவகுமாரை கைது செய்தனர்.