குண்டர் சட்டத்தில் வாலிபர் கைது

தஞ்சை புதிய பஸ் நிலையம் அருகே உள்ள நடராஜன் நகரை சேர்ந்தவர் கேபிரியல். இவருடைய மகன் டோமினிக் தீபக் (வயது 32). இவர் மீது பல்வேறு வழக்குகள் உள்ளன. இந்தநிலையில் டோமினிக் தீபக்கை குண்டர் சட்டத்தில் கைது செய்ய தஞ்சை மாவட்ட போலீஸ் சூப்பிரண்டு ரவளிபிரியா, கலெக்டர் தினேஷ் பொன்ராஜ் ஆலிவருக்கு பரிந்துரை செய்தார். இதையடுத்து கலெக்டர் உத்தரவின்பேரில் தஞ்சை மருத்துவக்கல்லூரி போலீஸ் இன்ஸ்பெக்டர் பிராங்க்ளின், குண்டர் சட்டத்தில் டோமினிக் தீபக்கை கைது செய்து திருச்சி மத்திய சிறையில் அடைத்தார்.