ஈரோடு கபாலீஸ்வரர் வகையறா கோவில் உண்டியலில் ரூ.11¾ லட்சம் -65 கிராம் தங்கம் பக்தர்கள் காணிக்கை

ஈரோடு

ஈரோடு கோட்டை பகுதியில் பிரசித்தி பெற்ற ஆருத்ரா கபாலீஸ்வரர் கோவில் உள்ளது. இந்த கோவிலின் வகையறா கோவில்களாக கஸ்தூரி அரங்கநாதர் கோவில், திருவேங்கடசாமி வீதியில் உள்ள மகிமாலீஸ்வரர் கோவில் உள்ளது. இந்த 3 கோவில்களில் பக்தர்கள் காணிக்கை செலுத்தும் வகையில் மொத்தம் 19 உண்டியல்கள் வைக்கப்பட்டு உள்ளன.

கடந்த 10 மாதங்களுக்கு பிறகு நேற்று இந்து சமய அறநிலையத்துறை உதவி ஆணையர் அன்னக்கொடி முன்னிலையில் 19 உண்டியல்களும் திறக்கப்பட்டு காணிக்கைகள் எண்ணப்பட்டது. இதில் 3 கோவில்களின் உண்டியல்களிலும் ரூ.11 லட்சத்து 74 ஆயிரத்து 432 மற்றும் 65 கிராம் தங்கம், 355 கிராம் வெள்ளியையும் பக்தர்கள் காணிக்கையாக செலுத்தி இருந்தனர். காணிக்கை எண்ணும் பணியில் மாணவர்கள் மற்றும் தன்னார்வலர்கள் ஈடுபட்டனர்.