மழை வெள்ளத்தில் சிக்கி பெண் சாவு

ராயக்கோட்டை:-

கெலமங்கலம் அருகே உள்ள பீ.செட்டிப்பள்ளி கிராமத்தை சேர்ந்த கூலி தொழிலாளி ஜலஜம்மா (வயது 52). இவர், வேலைக்கு சென்றுவிட்டு நேற்று முன்தினம் வீடு திரும்பிக் கொண்டிருந்தார். அப்போது பலத்த மழை பெய்தது. அங்குள்ள ஓடையில் மழை வெள்ளம் அதிகமாக சென்றது. ஜலஜம்மா, அந்த ஓடையை கடக்க முயன்றார். அப்போது மழை வெள்ளம் அவரை அடித்து சென்றது. தகவல் அறிந்த கெலமங்கலம் போலீசார், தீயணைப்பு வீரர்கள் விரைந்து வந்து ஜலஜம்மாவை தேடினர். அப்போது பாரந்தூர் தேவி ஏரியில் ஜலஜம்மா இறந்த நிலையில் உடல் கரை ஒதுங்கி இருந்தது. உடனே உடலை மீட்ட போலீசார் பிரேத பரிசோதனைக்கு ஓசூர் அரசு ஆஸ்பத்திரிக்கு அனுப்பி வைத்தனர். இதுகுறித்து கெலமங்கலம் போலீசார் வழக்குப்பதிவு செய்து விசாரணை நடத்தினர்.