<
உற்சாகத்துடன் பிளஸ்-2 தேர்வு எழுதிய மாணவ-மாணவிகள்
மதுரை மாவட்டத்தில் பிளஸ்-2 மாணவ-மாணவிகள் உற்சாகத்துடன் தேர்வு எழுதினர். தமிழ் தேர்வு எளிதாக இருந்ததாக கருத்து தெரிவித்தனர்.
மதுரை,
மதுரை மாவட்டத்தில் பிளஸ்-2 மாணவ-மாணவிகள் உற்சாகத்துடன் தேர்வு எழுதினர். தமிழ் தேர்வு எளிதாக இருந்ததாக கருத்து தெரிவித்தனர்.
பிளஸ்-2 தேர்வு ெதாடங்கியது
தமிழகம் முழுவதும் பிளஸ்-2 மாணவ, மாணவிகளுக்கான பொதுத்தேர்வு நேற்று தொடங்கியது. தேர்வுக்கான ஏற்பாடுகளை மதுரை மாவட்ட முதன்மைக்கல்வி அலுவலர் சுவாமிநாதன் தலைமையிலான பள்ளிக்கல்வித்துறை அலுவலர்கள் செய்து வருகின்றனர். வினாத்தாள் மற்றும் விடைத்தாள் மையங்கள் 9 இடங்களில் அமைக்கப்பட்டு 24 மணி நேரமும் பலத்த போலீஸ் பாதுகாப்பு போடப்பட்டுள்ளது.
அதன்படி, பிளஸ்-2 பொதுத்தேர்வை எழுத 325 பள்ளிகளில் இருந்து 17,892 மாணவர்களும், 18,663 மாணவிகளும் என 36,555 பேர் விண்ணப்பித்து இருந்தனர். இவர்களில் 1,575 பேர் தேர்வெழுத வரவில்லை. 305 தனித்தேர்வர்களில் 275 பேர் மட்டும் தேர்வெழுதினர்.
கலெக்டர் ஆய்வு
இதற்கிடையே கண்பார்வையற்ற, செவித்திறன் குறைந்த மற்றும் உடல் ஊனமுற்ற மாற்றுத்திறனாளி தேர்வர்களுக்கு சிறப்பு அனுமதியுடன் தேர்வு நடத்தப்படுகிறது. இதற்காக 161 பேர் விண்ணப்பித்திருந்தனர். நேற்று தமிழ் மொழிப்பாடத்துக்கான தேர்வு நடந்தது. தேர்வு மையங்களின் மேற்பார்வையாளர்களாக 1,888 பேர் நியமிக்கப்பட்டிருந்தனர். 5,929 அறைக்கண்காணிப்பாளர்கள் நியமிக்கப்பட்டுள்ளனர். 600 நிலையான படையினரும், 9 ஆய்வு அலுவலர்கள் தலைமையிலான சிறப்பு பறக்கும்படையினர் மாவட்ட முழுவதிலும் உள்ள தேர்வு மையங்களில் திடீர் ஆய்வு மேற்கொண்டனர்.
முன்னதாக மதுரை மாவட்டத்தில் உள்ள ஒருசில பள்ளிகளில் மாவட்ட கலெக்டர் அனீஷ்சேகர் மற்றும் முதன்மைக்கல்வி அலுவலர் ஆகியோர் ஆய்வு மேற்கொண்டனர். தேர்வு மையத்திற்குள் மாணவ, மாணவிகளுக்கு குடிநீர் வசதி ஏற்பாடு செய்யப்பட்டிருந்தது. மின்தடை இல்லாமல் மாணவ, மாணவிகள் தேர்வு எழுத வசதியாக மின்வாரியத்தின் சார்பில் சிறப்பு ஏற்பாடுகள் செய்யப்பட்டிருந்தன. மாணவ, மாணவிகள் தேர்வுக்கூடத்துக்குள் எலெக்ட்ரானிக் பொருட்கள் கொண்டு செல்ல அனுமதிக்கப்படவில்லை. கொரோனா பாதித்த மாணவ, மாணவிகளுக்கு தனி அறை ஒதுக்கப்பட்டிருந்தது. ஆனால், மதுரை மாவட்டத்தில் நேற்று கொரோனா பாதித்த மாணவர்கள் யாரும் தேர்வெழுதவில்லை.
தேர்வு எளிதாக இருந்தது
நேற்று நடந்த தமிழ் மொழி பாடத்தேர்வு எழுத பள்ளிகளுக்கு ஆர்வத்துடன் மாணவ-மாணவிகள் வந்திருந்தனர். முன்னதாக காலையில் இறை வணக்கம் பாடினார்கள். பின்னர் தேர்வுக்கான பாடங்களை பள்ளி வளாகத்தில் உட்கார்ந்து படித்தனர்.
அதன்பின்னர் அவர்கள் உற்சாகத்துடன் தேர்வு எழுதினர். தமிழ் மொழிப்பாடத்தேர்வுகள் எளிமையாக இருந்ததாக மாணவ, மாணவிகள் கருத்து தெரிவித்தனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
