குளத்தூர் அருகே காரில் ரேஷன் அரிசி கடத்திய 2பேர் கைது

விளாத்திகுளம் உட்கோட்டத்தில் குளத்தூர் போலீஸ் நிலைய எல்லைக்கு உட்பட்ட பகுதியில் போலீசார் ரோந்து பணியில் ஈடுபட்டிருந்தனர். அப்போது குளத்தூர் அருகே கிழக்கு கடற்கரை சாலையில் வந்த காரை சந்தேகத்தின் பேரில் நிறுத்தி போலீசார் சோதனை செய்தனர். அப்போது காரில் 500 கிலோ ரேஷன் அரிசி கடத்தி வரப்பட்டது தெரிய வந்தது. காரில் இருந்த 2 பேரையும் பிடித்து விசாரணை நடத்தினர். விசாரணையில்,  காரில் ரேஷன் அரிசியை கடத்தி வந்தது கீழ வேலாயுதபுரத்தை சேர்ந்த செல்வராஜ்(வயது40), பரமசிவம் (35) ஆகியோர் என தெரிய வந்தது. இதுகுறித்து போலீசார் வழக்குப்பதிவு செய்து அந்த 2 பேரையும் கைது செய்தனர்.  ரேஷன் அரிசி மற்றும் காரையும் போலீசார் பறிமுதல்  செய்தனர்.