<
மோட்டார்சைக்கிள் மீது பஸ் மோதிய விபத்தில் மாணவர் உயிரிழந்தார்
மோட்டார்சைக்கிள் மீது பஸ் மோதிய விபத்தில் மாணவர் உயிரிழந்தார்
குடிமங்கலம்,
உடுமலை அருகே மோட்டார்சைக்கிள் மீது பஸ் மோதிய விபத்தில் மாணவர் உயிரிழந்தார்.
இந்த விபத்து குறித்து போலீஸ் தரப்பில் கூறப்படுவதாவது:-
பஸ்-மோட்டார்சைக்கிள் மோதல்
தாராபுரம் அருகே உள்ள முத்தையம்பட்டியை சேர்ந்தவர் மயில்சாமி. இவரது மகன் கிருஷ்ணமூர்த்தி (வயது19). இவர் ஐ.டி.ஐ. படித்து வந்தார். இதே பகுதியை சேர்ந்த முருகன் மகன் சரவணன் ( 30). தாராபுரம் புதுக்கோட்டைமேடு பகுதியை சேர்ந்த சக்திவேல் மகன் தமிழ்ச்செல்வன் (20). உறவினர்களான இவர்கள் 3 பேரும் மோட்டார் சைக்கிளில் முத்தையம்பட்டியில் நடைபெற்ற கோவில் திருவிழாவில் கலந்துகொண்டு விட்டு இரவு பணத்தம்பட்டி நோக்கி சென்று கொண்டிருந்தனர். ஒட்டமடம் அருகே சென்று கொண்டிருந்த போது கரூரில் இருந்து பொள்ளாச்சி நோக்கி வந்து கொண்டிருந்த அரசு பஸ், மோட்டார் சைக்கிள் மீது மோதியது.
மாணவர் பலி
இந்த விபத்தில் மோட்டார் சைக்கிளில் வந்த மூவரும் பலத்த காயம் அடைந்தனர். இதுகுறித்து தகவல் அறிந்ததும் அருகில் இருந்தவர்கள் அவர்களை மீட்டு உடுமலை அரசு மருத்துவமனைக்கு அனுப்பி வைத்தனர். இதில் சிகிச்சை பலனின்றி கிருஷ்ணமூர்த்தி இறந்தார்.இதில் படுகாயம் அடைந்த சரவணன், தமிழ்ச்செல்வன் ஆகிய இருவரும் மேல் சிகிச்சைக்காக கோவைக்கு அனுப்பி வைக்கப்பட்டனர். பஸ்சை ஓட்டி வந்த பொள்ளாச்சி பனிக்கம்பட்டியை சேர்ந்த சிவக்குமார் (40) கைது செய்யப்பட்டார். இந்த விபத்து குறித்து குடிமங்கலம் போலீசார் வழக்குப்பதிவு செய்து விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
