குமரியில் குண்டர் சட்டத்தில் தொழிலாளி கைது

திருவட்டார், 

திருவட்டார் அருகே உள்ள மேக்கோடு மாவரவிளையை சேர்ந்தவர் விஜில் ராஜ் என்ற விஜில் (வயது 32), தொழிலாளி. இவர் மீது திருவட்டார் மற்றும் கொற்றிக்கோடு ஆகிய போலீஸ் நிலையங்களில் கஞ்சா, அடிதடி, கொலை மிரட்டல் உள்ளிட்ட பல வழக்குகள் உள்ளது. போலீசாரின் எச்சரிக்கையையும் மீறி விஜில் தொடர்ந்து குற்றச்செயல்களில் ஈடுபட்டு வந்ததாக தெரிகிறது. இதனால், அவரை குண்டர் சட்டத்தில் கைது செய்ய மாவட்ட போலீஸ் சூப்பிரண்டு ஹரிகிரண் பிரசாத், மாவட்ட கலெக்டர் அரவிந்துக்கு பரிந்துரை செய்தார். அதனை ஏற்று குண்டர் சட்டத்தில் விஜிலை கைது செய்ய கலெக்டர் உத்தரவிட்டார். இதையடுத்து விஜிலை திருவட்டார் போலீசார் குண்டர் சட்டத்தில் கைது செய்து, நேற்று பாளையங்கோட்டை சிறையில் அடைத்தனர்.