இளம்பெண்ணுக்கு பாலியல் தொந்தரவு கொடுத்தவர் கைது

பெரம்பலூர் மாவட்டம், வேப்பந்தட்டையை அடுத்துள்ள வி.களத்தூரை சேர்ந்தவர் வீரய்யா(வயது 23). இவர் இனாம்அகரத்தை சேர்ந்த இளம்பெண் ஒருவருக்கு பாலியல் தொந்தரவு கொடுத்துள்ளார். இதுகுறித்து அந்த இளம்பெண் கடந்த மாதம் 22-ந் தேதி வி.களத்தூர் போலீசில் புகார் செய்தார். புகாரின் பேரில் போலீசார் வழக்குப்பதிவு செய்து இளம்பெண்ணுக்கு பாலியல் தொந்தரவு கொடுத்த வீரய்யாவை வலைவீசி தேடி வந்தனர். இந்நிலையில் தலைமறைவாக இருந்த வீரய்யாவை போலீசார் கைது செய்து குற்றவியல் நீதிமன்றத்தில் ஆஜர்படுத்தி சிறையில் அடைத்தனர்.