<
இறந்து கிடந்த பெண் யானை
சிங்காரா வனப்பகுதியில் பெண் யானை இறந்து கிடந்தது. இதற்கு காரணம் என்ன? என்று வனத்துறையினர் விசாரணை நடத்தி வருகின்றனர்.
கூடலூர்
சிங்காரா வனப்பகுதியில் பெண் யானை இறந்து கிடந்தது. இதற்கு காரணம் என்ன? என்று வனத்துறையினர் விசாரணை நடத்தி வருகின்றனர்.
வனத்துறையினர் ரோந்து
நீலகிரி மாவட்டம் கூடலூர், முதுமலை வனப்பகுதியில் காட்டுயானைகள், புலிகள், கரடிகள், காட்டெருமைகள், சிறுத்தைகள், மான்கள் உள்ளிட்ட வனவிலங்குகள் வாழ்ந்து வருகிறது. இதன் காரணமாக வனவிலங்குகள் வேட்டையை தடுத்தல் உள்பட வன குற்றங்கள் நடைபெறாமல் இருக்க வன ஊழியர்கள் தினமும் ரோந்து பணி மேற்கொண்டு வருகின்றனர்.
இந்த நிலையில் முதுமலை புலிகள் காப்பகத்துக்கு உட்பட்ட மசினகுடி அருகே சிங்காரா நார்தன் ஹே குளத்துக்காடு வனப்பகுதியில் வனத்துறையினர் ரோந்து சென்றனர். அப்போது காட்டுயானை ஒன்று உடல் அழுகிய நிலையில் இறந்து கிடப்பதை கண்டனர்.
உடல் பரிசோதனை
இதுகுறித்து தகவல் அறிந்த முதுமலை புலிகள் காப்பக துணை இயக்குனர் அருண், வனச்சரகர் காந்தன் உள்ளிட்ட வனத்துறையினர் விரைந்து வந்து பார்வையிட்டனர். பின்னர் முதுமலை புலிகள் காப்பக கால்நடை டாக்டர் ராஜேஷ் குமார், மசினகுடி கால்நடை பராமரிப்புத்துறை டாக்டர் பவித்ரா உள்ளிட்ட மருத்துவ குழுவினர் வரவழைக்கப்பட்டனர்.
தொடர்ந்து காட்டுயானையின் உடல் பரிசோதனை செய்யப்பட்டது. பின்னர் முக்கிய உடற்பாகங்களை மருத்துவ குழுவினர் சேகரித்து ஆய்வக பரிசோதனைக்கு அனுப்பி வைத்தனர். மேலும் காட்டுயானை இறப்புக்கான காரணம் குறித்து வனத்துறையினர் விசாரணை நடத்தி வருகின்றனர்.
23 வயது பெண் யானை
இதுகுறித்து வனத்துறையினர் கூறியதாவது:- இறந்து கிடந்தது, சுமார் 23 வயதான பெண் காட்டுயானை ஆகும். கடந்த 1 மாதத்துக்கு முன்பே இறந்து இருக்கலாம். தற்போது அதன் உடல் மிகவும் அழுகி விட்டதால் இறப்புக்கான காரணம் உடனடியாக தெரியவில்லை.
இதனால் முக்கிய உடற்பாகங்கள் சேகரிக்கப்பட்டு பரிசோதனைக்கு அனுப்பி வைக்கப்பட்டு உள்ளது. அதன் பின்னரே காட்டுயானை இறப்புக்கான காரணம் முழுமையாக தெரியவரும். இவ்வாறு அவர்கள் கூறினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
