<
சீர்காழி அருகே படகுகள் கவிழ்ந்து கடலில் தத்தளித்த மீனவர்கள் மீட்பு
சீர்காழி அருகே படகுகள் கவிழ்ந்து கடலில் தத்தளித்த மீனவர்கள் மீட்கப்பட்டனர்.
சீர்காழி:-
சீர்காழி அருகே படகுகள் கவிழ்ந்து கடலில் தத்தளித்த மீனவர்கள் மீட்கப்பட்டனர்.
பலத்த காற்று
மயிலாடுதுறை மாவட்டம் சீர்காழி அருகே தொடுவாய் மீனவ கிராமத்தை சேர்ந்த கந்தன், ரமேஷ், சூரன், சின்னையா, வல்லரசு, மாரியப்பன், சித்திரவேல் உள்ளிட்டோருக்கு சொந்தமான 20 படகுகளில் 120-க்கும் மேற்பட்டோர் நேற்று முன்தினம் மாலை கடலுக்கு மீன்பிடிக்க சென்றனர்.
நள்ளிரவு நடுக்கடலில் மீனவர்கள் மீன்பிடித்து கொண்டிருந்தபோது பலத்த காற்று வீசியது. இதனால் கந்தன், ரமேஷ், சூரன் ஆகியோருக்கு சொந்தமான 3 படகுகள் கடலில் கவிழ்ந்தன. இதன் காரணமாக படகில் இருந்தவர்கள் கடலில் விழுந்து தத்தளித்தனர்.
மீட்பு
அவர்களை உடன் இருந்த மீனவர்கள் மீட்டு கரை சேர்த்தனர். தொடர்ந்து கடலில் மூழ்கிய 3 படகுகளை மீட்கும் பணியில் மீனவர்கள் ஈடுபட்டனர்.
இதில் 2 படகுகள் மீட்கப்பட்ட நிலையில் 3-வது படகை மீட்கும் பணியில் மீனவர்கள் தொடர்ந்து ஈடுபட்டு வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
