<
மோட்டார் சைக்கிள் மீது லாரி மோதியதில் கார் டிரைவர் பலி
தக்கோலம் அருகே மோட்டார்சைக்கிள் மீது லாரி மோதியதில் கார் டிரைவர் பலியானார்.
அரக்கோணம்
தக்கோலம் அருகே மோட்டார்சைக்கிள் மீது லாரி மோதியதில் கார் டிரைவர் பலியானார்.
ராணிப்பேட்டை மாவட்டம் அரக்கோணம் காந்தி நகரை சேர்ந்த அருள் மகன் ஜானி ஜெயில் சிங் (வயது 38). சென்னையில் கார் டிரைவராக வேலை செய்து வருகிறார். நேற்று மாலை வேலைக்கு செல்வதற்காக மோட்டார் சைக்கிளில் சென்னைக்கு சென்று கொண்டிருந்தார். தக்கோலத்தை அடுத்து புது கேசாவரம் சோதனை சாவடி அருகே சென்றபோது பேரம்பாக்கத்தில் இருந்து தக்கோலம் நோக்கி எதிரே வந்த ஆழ்துளை கிணறுதோண்டும் லாரி இவரது மோட்டார் சைக்கிள் மீது பலமாக மோதியது.
இதில் மோட்டார் சைக்கிளில் இருந்து தூக்கி வீசப்பட்டதில் ஜானி ஜெயில் சிங் சம்பவ இடத்திலேயே இறந்தார்.
சம்பவ இடத்திற்கு வந்த தக்கோலம் போலீசார் உடலை மீட்டு பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனர். இது தொடர்பாக போலீசார் வழக்குப்பதிவு செய்து விபத்து ஏற்படுத்தி விட்டு நிற்காமல் சென்ற லாரியையும் அதனை ஓட்டிச்சென்ற டிரைவரையும் தேடி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
