<
தண்டவாளத்தை கடக்க முயன்ற வியாபாரி ரெயில் மோதி பலி
திருப்பத்தூர் அருகே தண்டவாளத்தை கடக்க முயன்ற வியாபாரி ரெயில் மோதி பலியானார்.
ஜோலார்பேட்டை
திருப்பத்தூரை அடுத்த ரெட்டைமலை சீனிவாசன் தெருவை சேர்ந்தவர் ஜேம்ஸ் ஜெயசீலன் (வயது 47). ஜோலார்பேட்டை அடுத்த ஆசிரியர் நகர் பகுதியில் கறிக் கடை வைத்து வியாபாரம் செய்து வந்தார். இவர் வீட்டின் அருகே திருப்பத்தூர்- ஜோலார்பேட்டை ரெயில் நிலையங்களுக்கு இடையே தண்டவாளத்தை கடக்க முயன்றுள்ளார்.
அப்போது திருப்பத்தூர் ரெயில் நிலையத்தில் இருந்து ஜோலார்பேட்டை நோக்கி வந்த சதாப்தி எக்ஸ்பிரஸ் ரெயிலில் அடிபட்டு சம்பவம் இடத்திலேயே பரிதாபமாக உயிரிழந்தார்.
இதுகுறித்து தகவல் அறிந்ததும் ஜோலார்பேட்டை ரெயில்வே போலீஸ் சப்-இன்ஸ்பெக்டர் ஜெயக்குமார் மற்றும் போலீசார் சம்பவம் இடத்திற்கு விரைந்து சென்று பிணத்தை கைப்பற்றி பிரேத பரிசோதனைக்காக திருப்பத்தூர் அரசு மருத்துவமனைக்கு அனுப்பி வைத்தனர். மேலும் இது குறித்து வழக்குப்பதிவு செய்தி விசாரணை நடத்தி வருகின்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire