<
முன்னாள் மாணவர்கள் சந்திப்பு நிகழ்ச்சி
முன்னாள் மாணவர்கள் சந்திப்பு நிகழ்ச்சி
பல்லடம், மே.10-
பல்லடம் அரசு மேல்நிலைப்பள்ளியில் முன்னாள் ஆசிரியர்கள், முன்னாள் மாணவர்கள் சந்திப்பு நிகழ்ச்சி நடைபெற்றது. தாங்கள் படித்த பள்ளியையும், தங்களின் திறமையை முறைப்படுத்திய ஆசிரியர்களையும், நினைத்து பார்ப்பது மட்டுமன்றி, அவர்களுக்கு விழா எடுத்து கவுரவிப்பதில், முன்னாள் மாணவர்கள்தற்போது ஆர்வம் காட்டிவருகின்றனர். அந்த வகையில் பல்லடம் அரசு மேல்நிலைப்பள்ளியில் கடந்த 1986-ம் ஆண்டு கல்வி பயின்ற முன்னாள் மாணவர்கள், அவர்களுக்கு பாடம் நடத்திய ஆசிரியர்கள், சந்திப்பு நிகழ்ச்சி நடைபெற்றது. இதில் பல்லடம் கடைவீதி காமராஜர் திடலில் ஆசிரியர்களுக்கு, சந்தன மாலை அணிவித்து, மலர்கள் தூவி, மேளதாளத்துடன் ஊர்வலமாக பல்லடம் அரசு மேல்நிலைப்பள்ளிக்கு ஊர்வலமாக அழைத்துச்செல்லப்பட்டனர். பின்னர் அங்கு ஒவ்வொரு ஆசிரியருக்கும் சால்வை அணிவித்து மரியாதை செலுத்தப்பட்டது. பல மாணவர்கள் ஆசிரியர்களின் கால்களில் விழுந்து ஆசீர்வாதம் பெற்றனர். பின்னர் முன்னாள் ஆசிரியர்கள் -முன்னாள் மாணவர்கள் கலந்துரையாடல் நிகழ்ச்சி நடைபெற்றது. இதில் தங்களுக்கு பாடம் நடத்திய ஆசிரியர்களின் செயல்களை நினைவு கூர்ந்தனர். இதேபோல ஒவ்வொருவரும்தங்கள் பள்ளி அனுபவங்களை கூறினார்கள். இந்த நிகழ்ச்சியில் சுமார் 100-க்கும் மேற்பட்ட முன்னாள் மாணவர்கள், 25-க்கும் மேற்பட்ட முன்னாள் ஆசிரியர்கள் உள்ளிட்டோர் கலந்து கொண்டனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
