ஓசூர் பகுதியில் வெவ்வேறு விபத்துகளில் 2 பேர் சாவு

சூளகிரி:

ஓசூர் வெங்கடேஸ்வரா நகரை சேர்ந்தவர் குணா (வயது 26). இவர் தனியார் நிறுவனத்தில் ஊழியராக பணியாற்றி வந்தார். சம்பவத்தன்று இவர் மோட்டார்சைக்கிளில் ஒமதேப்பள்ளி பஸ் நிறுத்தம் அருகில் சென்று கொண்டிருந்தார். அப்போது அந்த வழியாக சென்ற கார், மோட்டார் சைக்கிள் மீது மோதியது. இதில் குணா சம்பவ இடத்திலேயே பலியானார். இந்த விபத்து குறித்து சூளகிரி போலீசார் விசாரணை நடத்தி வருகிறார்கள். கர்நாடக மாநிலம் அத்திப்பள்ளி பார்வதி நகரை சேர்ந்தவர் அன்சர் (30). கார் டிரைவர். சம்பவத்தன்று இவர் ஜூஜூவாடி பகுதியில் ஸ்கூட்டரில் சென்று கொண்டிருந்தார். அப்போது அந்த வழியாக சென்ற கன்டெய்னர் லாரி ஸ்கூட்டர் மீது மோதியது. இதில் படுகாயம் அடைந்த அன்சர் சம்பவ இடத்திலேயே இறந்தார். இந்த விபத்து குறித்து ஓசூர் சிப்காட் போலீசார் விசாரணை நடத்தி வருகிறார்கள்.