<
டிராக்டர் மீது அரசு பஸ் மோதல் 16 பேர் படுகாயம்
தஞ்சை அருகே டிராக்டர் மீது அரசு பஸ் மோதியதில் 16 பேர் படுகாயம் அடைந்தனர்.
வல்லம்:
தஞ்சை அருகே டிராக்டர் மீது அரசு பஸ் மோதியதில் 16 பேர் படுகாயம் அடைந்தனர்.
அரசு பஸ்
தஞ்சை புதிய பஸ் நிலையத்திலிருந்து 40-க்கும் மேற்பட்ட பயணிகளுடன் நேற்று மாலை அரசு பஸ் ஒன்று திருச்சியை நோக்கி சென்று கொண்டிருந்தது. வளம்பக்குடி- திருச்சி தேசிய நெடுஞ்சாலையில் சாலையின் நடுவே உள்ள தடுப்புகளில் தனியார் நிறுவனத்தால் பூச்செடிகள் வைக்கப்பட்டு பராமரிக்கப்பட்டு வருகிறது.
தஞ்சை அருகே வெண்டையம் பட்டியை சேர்ந்த டிராக்டர் டிரைவர் கணேசமூர்த்தி, அதே பகுதியை சேர்ந்த முத்தமிழ் ஆகிய இருவரும் சாலையில் நடுவில் உள்ள சிமெண்டு சிலாப்புகளில் மீது நின்றவாறு பூச்செடிகளுக்கு டிராக்டர் டேங்கரில் உள்ள குழாய் மூலம் தண்ணீர் ஊற்றி கொண்டிருந்தனர்.
16 பேர் படுகாயம்
அப்போது தஞ்சையில் இருந்து திருச்சி நோக்கி வந்த அரசு பஸ் திடீரென சாலையின் நடுவே நின்று கொண்டிருந்த டிராக்டரின் பின்பக்கம் உள்ள தண்ணீர் டேங்கர் மீது மோதியது. இதில் தண்ணீர் டேங்கர் சேதமடைந்து தலைகீழாக சாலையில் கவிழ்ந்தது.
அதேபோல் அரசு பஸ்சின் முன் பக்கம் சேதமடைந்தது. இதில் டிராக்டர் டிரைவர் கணேசமூர்த்தி, முத்தமிழ், பஸ்சை ஓட்டி வந்த டிரைவர் தஞ்சையை சேர்ந்த மோகன் மற்றும் பஸ் பயணிகள் 14 பேர் உள்பட 16 பேர் படுகாயம் அடைந்தனர்.
போக்குவரத்து பாதிப்பு
இந்த விபத்தில் படுகாயம் அடைந்தவர்களை அருகில் இருந்தவர்கள் மீட்டு ஆம்புலன்ஸ் மூலம் சிகிச்சைக்காக தஞ்சை மருத்துவக்கல்லூரி ஆஸ்பத்திரிக்கு அனுப்பி வைத்தனர்.
தகவலறிந்த சம்பவ இடத்திற்கு விரைந்து வந்த போலீசார் போக்குவரத்தை சீரமைத்தனர். இதுகுறித்து செங்கிப்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.
இந்த விபத்தினால் திருச்சி- தஞ்சை தேசிய நெடுஞ்சாலையில் சிறிது நேரம் போக்குவரத்து பாதிக்கப்பட்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
