<
மோட்டார் சைக்கிள் விபத்தில் 2 பேர் சாவு
தஞ்சையில் வெவ்வேறு இடங்களில் மோட்டார்சைக்கிள் விபத்தில் 2 பேர் பரிதாபமாக இறந்தனர்.
தஞ்சாவூர்:
தஞ்சையில் வெவ்வேறு இடங்களில் மோட்டார்சைக்கிள் விபத்தில் 2 பேர் பரிதாபமாக இறந்தனர்.
முதியவர் சாவு
தஞ்சையை அடுத்த மாப்பிள்ளை நாயக்கன்பட்டியை சேர்ந்தவர் அன்புரோஸ்(வயது 63). இவர் நேற்றுமுன்தினம் இரவு ராவுசாப்பட்டியில் உள்ள ஒரு உணவகத்தில் உணவு வாங்கிக்கொண்டு நடந்து சென்று கொண்டிருந்தார். அப்போது அந்த வழியாக வந்த மோட்டார் சைக்கிள் அன்புரோஸ் மீது மோதியது.
இதில் படுகாயம் அடைந்த அன்புரோசை அக்கம்பக்கத்தினர் மீட்டு தஞ்சை மருத்துவக்கல்லூரி ஆஸ்பத்திரிக்கு சிகிச்சைக்காக அனுப்பி வைத்தனர். அங்கு சிகிச்சை பெற்ற வந்த அவர் நேற்று சிகிச்சை பலனின்றி பரிதாபமாக இறந்தார். இதுகுறித்து தஞ்சை தமிழ்ப்பல்கலைக்கழக போலீசார் வழக்குப்பதிவு செய்து விசாரணை நடத்தி வருகின்றனர்.
மற்றொரு விபத்து
இதேபோல் கோரிக்குளம் புதுத்தெரு பகுதியை சேர்ந்தவர் பிரபாகரன்(36). இவர் சம்பவத்தன்று விளாரில் இருந்து தஞ்சைக்கு தனது மோட்டார் சைக்கிளில் வந்து கொண்டிருந்தார். அப்போது விளார் மேற்கு தெருவை சேர்ந்த கார்த்திகேயன்(28) என்பவர் ஓட்டிவந்த மோட்டார் சைக்கிள், பிரபாகரன் ஓட்டி வந்த மோட்டார் சைக்கிள் மீது எதிர்பாராதவிதமாக மோதியது.
இதில் படுகாயம் அடைந்த பிரபாகரனை அக்கம் பக்கத்தினர் மீட்டு தஞ்சை மருத்துவக்கல்லூரி ஆஸ்பத்திரிக்கு 108 ஆம்புலன்சில் அனுப்பி வைத்தனர். ஆனால் ஆஸ்பத்திரிக்கு செல்லும் வழியிலேயே பிரபாகரன் பரிதாபமாக இறந்தார். இதுகுறித்த புகாரின் பேரில் தாலுகா போலீஸ் இன்ஸ்பெக்டர் ஜெகதீஸ்வரன் வழக்குப்பதிவு செய்து விசாரணை நடத்தி வருகிறார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
