கோவில்பட்டி பஸ் நிலையத்தில் முதியவர் பிணம்

கோவில்பட்டி அண்ணா பஸ் நிலைய கட்டண கழிவறை அருகில் நேற்று 60 வயது மதிக்கத்தக்க முதியவர் ஒருவர் பிணமாக கிடந்தார். இதுபற்றிய தகவல் அறிந்ததும் மேற்கு போலீஸ் இன்ஸ்பெக்டர் சபாபதி, சப்- இன்ஸ்பெக்டர் ராஜேஷ்கண்ணன் மற்றும் போலீசார் சம்பவ இடத்திற்கு சென்று விசாரணை நடத்தினார்கள். அவர் காவி நிறத்தில் வேட்டி கட்டியுள்ளார். அவர் யார்? எந்த ஊரை சேர்ந்தவர்? என்பது தெரியவில்லை. முதியவர் உடலை போலீசார் கைப்பற்றி கோவில்பட்டி பிரேத பரிசோதனை அறைக்கு அனுப்பி வைத்தனர். அவரை பற்றி அறிந்திருந்தால் தகவல் தெரிவிக்கலாம் என போலீசார் கேட்டுக்கொண்டுள்ளனர்.