2-வது நாளாக சாந்தனுக்கு உடல் பரிசோதனை

அடுக்கம்பாறை

முன்னாள் பிரதமர் ராஜீவ்காந்தி கொலை வழக்கில் ஆயுள் தண்டனை பெற்ற சாந்தன் வேலூர் ஜெயிலில் அடைக்கப்பட்டுள்ளார்.  அடுக்கம்பாறை அரசு ஆஸ்பத்திரியில் சாந்தனுக்கு ரத்தம், சர்க்கரை அளவு, எக்கோ, ஈ.சி.ஜி. உள்ளிட்ட மருத்துவ பரிசோதனைகள் செய்யப்பட்டது. சோதனை முடிந்த பிறகு மீண்டும் வேலூர் ஜெயிலில் அடைக்கப்பட்டார்.

 

இதைத் தொடர்ந்து 2-வது நாளாக சாந்தனுக்கு அடுக்கம்பாறை அரசு ஆஸ்பத்திரியில் மருத்துவ பரிசோதனை நடந்தது. காலை 10 மணிக்கு வேலூர் ஜெயிலில் இருந்து துப்பாக்கி ஏந்திய போலீஸ் காவலுடன் அரசு ஆஸ்பத்திரிக்கு அழைத்துவரப்பட்டார். அங்கு பல் பரிசோதனை செய்யப்பட்டது. மேலும் ரத்த மாதிரிகள் பரிசோதனைக்காக எடுக்கப்பட்டுள்ளன. 2 மணி நேர சோதனைக்குப் பிறகு சாந்தன் மீண்டும் வேலூர் ஜெயிலில் அடைக்கப்பட்டார்.