<
தாளவாடி அருகே தோட்டத்தில் புகுந்து யானை அட்டகாசம்; தென்னை மரங்கள் சேதம்
தாளவாடி அருகே தோட்டத்தில் புகுந்த யானை தென்னை மரங்களை சேதப்படுத்தியது.
தாளவாடி
தாளவாடி அருகே தோட்டத்தில் புகுந்த யானை தென்னை மரங்களை சேதப்படுத்தியது.
தென்னை மரங்கள்
சத்தியமங்கலம் புலிகள் காப்பகத்தில் மொத்தம் 10 வனச்சரகங்கள் உள்ளன. இந்த வனச்சரகத்தில் இருந்து யானை போன்ற ஏராளமான வனவிலங்குகள் உணவு, தண்ணீர் தேடி அடிக்கடி விவசாய தோட்டத்தில் புகுந்து பயிர்களை நாசம் செய்வது தொடர் கதையாகி வருகிறது.
தாளவாடி அருகே உள்ள கும்டாபுரம் கிராமத்தை சேர்ந்தவர் பசுவண்ணா (வயது 50). விவசாயி. இவர் 2 ஏக்கர் பரப்பளவில் தனது தோட்டத்தில் தென்னை மரங்கள் பயிரிட்டு்ள்ளார்.
சேதப்படுத்திய யானை
இந்த நிலையில் நேற்று காலை பசுவண்ணா தோட்டத்துக்கு சென்று பார்த்தார். அப்போது அங்கு 15 தென்னை மரங்கள் நாசப்படுத்தப்பட்டு கிடந்தன.
நேற்று முன்தினம் இரவு வனப்பகுதியில் இருந்து வெளியேறிய ஒற்றை யானை பசுவண்ணாவின் தோட்டத்துக்குள் புகுந்தது.
அதன்பின்னர் அங்கு சாகுபடி செய்யப்பட்டு இருந்த தென்னை மரத்தின் குருத்துக்களை தின்றும், மரங்களை மிதித்தும் நாசப்படுத்தியுள்ளது. அதைத்தொடர்ந்து யானை அங்கிருந்து சென்றுள்ளது.
இது குறித்து விவசாயி கூறும்போது, ‘யானையால் சேதமடைந்த தென்னை மரங்களுக்கு இழப்பீடு வழங்க அதிகாரிகள் நடவடிக்கை எடுக்க வேண்டும்’ என்றார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
