<
பள்ளிக்கூடத்துக்கு கட்டிடம் கட்ட கோரி பொதுமக்கள் ஆர்ப்பாட்டம்
வழூர் கிராமத்தில் பள்ளிக்கூடத்துக்கு வகுப்பறை கட்டிடம் கட்ட கோரி பொதுமக்கள் ஊராட்சி மன்ற அலுவலகம் முன்பு ஆர்ப்பாட்டத்தில் ஈடுபட்டனர்.
வந்தவாசி
வழூர் கிராமத்தில் பள்ளிக்கூடத்துக்கு வகுப்பறை கட்டிடம் கட்ட கோரி பொதுமக்கள் ஊராட்சி மன்ற அலுவலகம் முன்பு ஆர்ப்பாட்டத்தில் ஈடுபட்டனர்.
வகுப்பறை கட்டிடம்
வந்தவாசி ஒன்றியத்துக்கு உட்பட்ட வழூர் ஊராட்சி மன்ற அலுவலகம் முன்பு பொதுமக்கள் நேற்று திடீர் ஆர்ப்பாட்டத்தில் ஈடுபட்டனர். ஆர்ப்பாட்டத்தில் கலந்து கொண்டவர்கள், பள்ளிக்கூடத்துக்கு வகுப்பறை கட்டிடம் கட்ட வேண்டும், எனக் கோஷம் எழுப்பினர்.
ஆர்ப்பாட்டத்தில் ஊராட்சி மன்ற துணைத் தலைவர் தீபா பொன்னன், ஊராட்சி மன்ற உறுப்பினர்கள் கே.சின்னராஜ், கே.லலிதா மற்றும் பொதுமக்கள் பலர் கலந்து கொண்டனர்.
ஆர்ப்பாட்டத்தில் ஈடுபட்ட பொதுமக்கள் கூறியதாவது:-
2 கட்டிடங்களை இடித்த தலைவரின் கணவர்
எங்கள் கிராமத்தில் ஊராட்சி ஒன்றிய நடுநிலைப் பள்ளி உள்ளது. அங்கு 140 மாணவ-மாணவிகள் படித்து வருகின்றனர். பள்ளி வளாகத்தில் 2 பழைய வகுப்பறை கட்டிடங்கள் இருந்தன. அதில் ஒரு பழுதடைந்த கட்டிடத்தை மட்டும் இடிக்க ஒன்றிய நிர்வாகம் அனுமதி அளித்தது.
ஆனால் ஊராட்சி மன்ற தலைவரின் கணவர் 2 கட்டிடங்களையும் இடித்து விட்டார். இதனால் வகுப்பறைகள் எதுவும் இல்லை. இந்தப் பள்ளியில் படிக்கும் மாணவ-மாணவிகள் அங்குள்ள சிவன் கோவில், ஊராட்சி மன்ற அலுவலகம் ஆகியவற்றில் அமர்ந்து கல்வி படிக்கும் அவல நிலை ஏற்பட்டுள்ளது. இதனால் மாணவ-மாணவிகளுக்கு பாதுகாப்பற்ற நிலை உள்ளது. எனவே பள்ளிக்கு புதிய வகுப்பறை கட்டிடம் கட்டித் தர வேண்டும்.
முறைகேடு
அனுமதியின்றி பள்ளிக்கூட கட்டிடம் இடிக்கப்பட்டது குறித்து நடவடிக்கை எடுக்க வேண்டும். எங்கள் பஞ்சாயத்தில் ஊராட்சி மன்ற தலைவரின் கணவர் ஊராட்சி மன்ற தலைவர் போல் செயல்படுவது குறித்தும், தேசிய ஊரக வேலை உறுதி திட்டத்தில் பணிபுரியும் தொழிலாளர்கள் சிலருக்கு கூலி வழங்கப்படாமல் முறைகேடு நடந்துள்ளது குறித்தும் நடவடிக்கை எடுக்க வேண்டும்.
இவ்வாறு அவர்கள் கூறினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
