ஆற்றில் மூழ்கி பள்ளி மாணவன் பலி

சமயபுரம், மே.15-
மண்ணச்சநல்லூர் அருகே ஆற்றில் மூழ்கி பள்ளி மாணவன் இறந்தார்.
பிளஸ்-2 மாணவன்
மண்ணச்சநல்லூர் புது காலனி தெருவை சேர்ந்தவர் ரவிச்சந்திரன். இவரது மகன் சுதர்சன் (வயது18). இவர் மண்ணச்சநல்லூரில் உள்ள அரசு ஆண்கள் மேல்நிலைப்பள்ளியில் பிளஸ்-2 படித்து வந்தார்.
நேற்று மாலை சுதர்சன் தனது நண்பர்களுடன் நொச்சியம் பகுதியில் உள்ள கொள்ளிடம் ஆற்றில் குளிக்கச் சென்றார். அப்போது ஆழமான பகுதிக்கு சென்ற சுதர்சன் நீச்சல் தெரியாததால் நீரில் மூழ்கத் தொடங்கினார். இதைப்பார்த்து அதிர்ச்சியடைந்த அவரது நண்பர்களும், அப்பகுதி பொதுமக்களும் சுதர்சனை காப்பாற்ற முயன்றனர்.
பிணமாக மீட்பு
மேலும் சமயபுரம் தீயணைப்பு நிலையத்திற்கு தகவல் கொடுத்தனர். அதன் பேரில் நிலைய அலுவலர் (பொறுப்பு) பழனிச்சாமி தலைமையில் வீரர்கள் சம்பவ இடத்திற்கு விரைந்து வந்து  ஆற்றில் இறங்கி சுதர்சனை தேடும் பணியில் ஈடுபட்டனர். சிறிதுநேர தேடலுக்கு பின் அவரது உடல் பிணமாக மீட்கப்பட்டது.
பின்னர் அவரது உடலை பிரேத பரிசோதனைக்காக ஸ்ரீரங்கம் அரசு மருத்துவமனைக்கு அனுப்பி வைத்தனர். ேமலும் இது தொடர்பாக  மண்ணச்சநல்லூர் போலீஸ் இன்ஸ்பெக்டர் ரமேஷ்குமார் மற்றும் போலீசார் வழக்குப்பதிவு செய்து விசாரணை நடத்தி வருகின்றனர். இந்த சம்பவம் மாணவனின் பெற்றோர், அவர் படித்த பள்ளி மாணவர்கள் இடையே சோகத்தை ஏற்படுத்தி உள்ளது.