தர்மபுரி அரசு கலைக்கல்லூரியில் விளையாட்டு விழா

தர்மபுரி:

தர்மபுரி அரசு கலைக்கல்லூரி விளையாட்டு விழா கல்லூரி வளாகத்தில்  நடைபெற்றது. விழாவிற்கு கல்லூரி முதல்வர் கிள்ளிவளவன் தலைமை தாங்கினார். உடற்கல்வி இயக்குனர் பாலமுருகன் வரவேற்றார். மாவட்ட போலீஸ் சூப்பிரண்டு கலைச்செல்வன் கலந்து கொண்டு ஒலிம்பிக் தீபத்தை ஏற்றி வைத்து விளையாட்டு போட்டிகளை தொடங்கி வைத்தார். மாவட்ட விளையாட்டு அலுவலர் சாந்தி ஒலிம்பிக் கொடியை ஏற்றினார். இதைத்தொடர்ந்து மாணவ-மாணவிகளுக்கு தடகள போட்டிகள், குழு விளையாட்டு போட்டிகள் நடத்தப்பட்டன. இதில் வெற்றி பெற்றவர்களுக்கு போலீஸ் சூப்பிரண்டு கலைச்செல்வன் பதக்கம், கோப்பை மற்றும் சான்றிதழ்களை வழங்கி பாராட்டு தெரிவித்தார். மேலும் பல்கலைக்கழகங்களுக்கு இடையிலான, போட்டிகளில் பங்கேற்று சிறப்பிடம் பெற்ற விளையாட்டு வீரர், வீராங்கனைகளுக்கு பரிசுகள் வழங்கப்பட்டன. இந்த விழாவில் கல்லூரி மாணவ-மாணவிகள், பேராசிரியர்கள் கலந்து கொண்டனர்.