சங்கராபுரம் அருகே பள்ளத்தில் தவறி விழுந்த டிரைவர் சாவு

சங்கராபுரம், மே.16-

சங்கராபுரம் அருகே உள்ள கல்வராயன்மலை வெதூர் கிராமத்தை சேர்ந்தவர் லட்சுமணன் மகன் தீர்த்தமலை (வயது 26). நெல் அறுவடை எந்திர டிரைவர். இவர் நேற்று முன்தினம் மாலை சங்கராபுரம் பூட்டை சாலையில் உள்ள ஒரு வாட்டர் சர்வீஸ் கடையில் நெல் அறுவடை எந்திரத்தை வாட்டர் சர்வீஸ் செய்து கொண்டிருந்தார். அப்போது, தீர்த்தமலை திடீரென கால் வழுக்கி தவறி பள்ளத்தில் விழுந்தார். இதில் பலத்த காயமடைந்த அவரை அக்கம்பக்கத்தினர் மீட்டு சிகிச்சைக்காக சங்கராபுரம் அரசு ஆஸ்பத்திரிக்கு கொண்டு சென்றனர். அங்கு தீர்த்தமலையை பரிசோதித்த டாக்டர்கள் அவர் ஏற்கனவே இறந்துவிட்டதாக தெரிவித்தனர். இதுகுறித்த புகாாின்பேரில் சங்கராபுரம் போலீசார் வழக்குப்பதிவு செய்து விசாரணை நடத்தி வருகின்றனர்.