தினத்தந்தி புகார் பெட்டி

வளைந்த நிலையில் மின்கம்பம்

தஞ்சை மாவட்டம் பட்டுக்கோட்டை டவுன் தெற்கு காளியம்மன் கோவில் தெரு சாலையில் இரும்பு மின்கம்பம் ஒன்று அமைக்கப்பட்டது. இந்த மின்கம்பம் தற்போது நன்கு வளைந்த நிலையில் காட்சி அளிக்கிறது. இதனால் மின்கம்பத்தில் இணைக்கப்பட்டுள்ள மின்கம்பிகள் தாழ்வாக செல்கின்றன. மேலும், மின்கம்பம் வளைந்த நிலையில் இருப்பதால் பொதுமக்கள், வாகன ஓட்டிகள் அந்த பகுதியை அச்சத்துடன் கடந்து சென்று வருகின்றனர். எனவே, சம்பந்தப்பட்ட அதிகாரிகள் மேற்கண்ட பகுதியில் வளைந்த நிலையில் உள்ள மின்கம்பத்தை சீரமைக்க நடவடிக்கை எடுப்பார்களா?

-பொதுமக்கள், பட்டுக்கோட்டை.