முதியவர் தூக்குப்போட்டு தற்கொலை

சிவகிரி:

சிவகிரி அருகே தேவிபட்டணம் கீழூர் ராமசாமியாபுரம் பகுதியைச் சேர்ந்தவர் பரமசிவம் (வயது 60.) கூலி தொழிலாளி. இவருக்கு கடந்த சில நாட்களாக உடல் நலக்குறைவு ஏற்பட்டது. இதனால் மனமுடைந்த பரமசிவம் நேற்று தனது வீட்டின் அருகில் உள்ள தோட்டத்தில் மோட்டார்  அறையில்  தூக்குப்போட்டு  தற்கொலை  செய்து கொண்டார்.

இதுகுறித்து தகவல் அறிந்ததும், சிவகிரி போலீஸ் இன்ஸ்பெக்டர் மனோகரன் மற்றும் போலீசார் சம்பவ இடத்துக்கு விரைந்து சென்றனர். இறந்த பரமசிவத்தின் உடலைக் கைப்பற்றி பிரேத பரிசோதனைக்காக சிவகிரி அரசு ஆஸ்பத்திரிக்கு அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். இறந்த பரமசிவத்துக்கு மாரியம்மாள் என்ற மனைவியும், 2 மகள்களும், 1 மகனும் உள்ளனர்.