பாம்பு கடித்து பெண் சாவு

தா.பேட்டை:

தா.பேட்டையை அடுத்த தாண்டவம்பட்டி கிராமத்தை சேர்ந்தவர் விஜயகுமாரின் மனைவி கிருத்திகா(வயது 27). இவர்களுக்கு 2 பெண் குழந்தைகள் உள்ளனர். அதே பகுதியில் உள்ள தோட்டத்து கிணற்றில் மின்மோட்டாரை இயக்க கிருத்திகா நடந்து சென்றபோது, அவரை பாம்பு கடித்துள்ளது. இதையடுத்து அவரை சிகிச்சைக்காக துறையூர் அரசு மருத்துவமனைக்கு கொண்டு சென்றனர். அங்கு அவரை பரிசோதித்த டாக்டர்கள், கிருத்திகா ஏற்கனவே இறந்து விட்டதாக கூறியுள்ளனர். இதுகுறித்து தா.பேட்டை போலீசார் வழக்குப்பதிந்து விசாரணை மேற்கொண்டு வருகின்றனர்.