கிருஷ்ணகிரி பழையபேட்டை நரசிம்ம சாமி கோவிலில் ஜெயந்தி விழா

கிருஷ்ணகிரி:

கிருஷ்ணகிரி பழையபேட்டை லட்சுமி நரசிம்ம சாமி கோவிலில், நரசிம்ம ஜெயந்தி விழா நேற்று முன்தினம் தொடங்கியது. நேற்று காலை கோபூஜை, ஆராதனை, நவக்கிரக ஹோமம், மஹா சுதர்சன ஹோமம், லட்சுமி குபேர ஹோமம் ஆகியவை நடந்தது. தொடர்ந்து மூலவருக்கு மகா அபிஷேகம், சிறப்பு அலங்காரம் மற்றும் தீபாராதனை நடைபெற்றது. பின்னர் சிறப்பு அலங்காரத்தில் நரசிம்ம உற்சவர் கருட வாகனத்தில் பிரகாரத்தை சுற்றி வந்து பக்தர்களுக்கு அருள் பாலித்தார். இதில் ஏராளமான பக்தர்கள் கலந்து கொண்டு சாமி தரிசனம் செய்தனர். அவர்களுக்கு பிரசாதம், அன்னதானம் வழங்கப்பட்டன.