மண் கடத்திய டிராக்டர் பறிமுதல்

தோகைமலை அருகே கள்ளை பகுதியில் பல்வேறு இடங்களில் மண் கடத்தப்படுவதாக போலீசாருக்கு தகவல் வந்தது. அதன்பேரில் மணியகவுண்டன்பட்டி பகுதியில் தோகைமலை போலீஸ் இன்ஸ்பெக்டர் ராஜ்குமார் தலைமையிலான போலீசார் ரோந்து பணியில் ஈடுபட்டனர். அந்த வழியாக பதிவெண் இல்லாமல் வந்த ஒரு டிராக்டரை நிறுத்தி போலீசார் சோதனை செய்தனர். அப்போது அதில் சட்டவிரோதமாக ஆத்துவாரி மண் கடத்தி வந்தது தெரியவந்தது. இதையடுத்து அந்த டிராக்டரை போலீசார் பறிமுதல் செய்தனர். மேலும் மணல் கடத்தலில் ஈடுபட்டதாக அதே பகுதியை துரைராஜ் (வயது 50) என்பவரை போலீசார் கைது செய்தனர். மேலும் தப்பி ஓடிய டிராக்டர் டிரைவர் பிரவீன் குமார் (18) என்பவரை வலைவீசி தேடி வருகின்றனர்.