மதுபானம் விற்ற 2 பேர் சிக்கினர்

சிக்கமகளூரு:-

சிக்கமகளூரு மாவட்டம் அஜ்ஜாம்புரா தாலுகா ஆஸ்தி கிராமத்தில் சட்டவிரோதமாக மதுபானங்கள் விற்பனை நடப்பதாக அஜ்ஜாம்புரா போலீசாருக்கு ரகசிய தகவல் கிடைத்தது. அந்த தகவலின் பேரில் போலீசார் சம்பவ இடத்திற்கு வந்து சோதனை செய்தனர். அப்போது அந்த பகுதியில் சுற்றித்திரிந்த வாலிபர் ஒருவரை பிடித்து விசாரணை நடத்தினர். மேலும், அவரிடம் இருந்த பையை சோதனை செய்தனர். அப்போது அதில் மதுபானங்கள் இருந்தது தெரிந்தது. இதையடுத்து அவரிடம் போலீசார் விசாரணை நடத்தினர். விசாரணையில் அவர் அதே பகுதியை சேர்ந்த மல்லப்பா (வயது 25) என்பதும், அவர் அந்த பகுதியில் அனுமதி இன்றி மதுபானங்கள் விற்று வந்ததும் தெரிந்தது. இதையடுத்து போலீசார் அவரை கைது செய்தனர். மேலும், அவரிடம் இருந்து ரூ.3 ஆயிரம் மதிப்பிலான மதுபான பாட்டில்களை பறிமுதல் செய்தனர்.இதேபோல் கடூர் தாலுகா சிங்கட்டிகெரே கிராமத்தில் மதுபானங்கள் விற்பனை செய்ததாக அதே கிராமத்தை சேர்ந்த வாசு என்பவரை சிங்கட்டிகெரே போலீசார் கைது செய்தனர். மேலும், அவரிடம் இருந்து ரூ.2 ஆயிரம் மதிப்பிலான மதுபானங்களை போலீசார் பறிமுதல் செய்தனர். மேலும், அவர் மீது வழக்குப்பதிவு செய்து தொடர்ந்து விசாரணை நடத்தி வருகின்றனர்.